كرسي الأعتراف ...Moment of Truth

حلو كتير ... ريم ع كرسي الاعتراف

ههههههه يلا جهزيلي حالك
لسا في كم واحد كمان يجهز حالو هههه

والله أنا مسكينة وبعمري ماتحركشت بحدا أو سألت حدا
خطية ترا

هههه مافي هلأ الأسالة عالنار الهادية

هلأ فادي ليش تظل حاطط بعد توقيعك انك نايم؟

اقتباس :

1- من وين انتي .؟؟

مادخلني هي أول سؤال أجاكي هههه

استلم فادي
- من هي ريم ببضع أسطر
ريم بنت متل كل هالبنات وبما(انو مداح نفسو كذاب) يقولون اني بنت طيوبة حساسة كريمة صبورة تحب الخير لكل الناس بعيد عن المصالح وعاطفية جدا وماتحقد والحمدلله على حدا أبدا, أعصب بسرعة بس أهدا فورا وشو كمان.........؟

2- كيف تعرفتي على المنتدى وعن طريق من؟
والله أنا بالعادة أفتح موقع كلية الآداب تبعتنا من زمان بس أبدا ما بفوت على المنتديات وهاي الصيفية بالصدفة شفت هاالمنتدى والله وأول ما شفت صورتك تفاجأت لأنو ماكنت أعرف انك المدير وعرفت انو هاد هو منتدانا

3- هل تعرفيني شخصياً؟وهل صدف وان تحدثنا؟؟
- اي بعرفك مانحنا طلاب نفس الدفعة وكل الوقت الطلاب بوجه بعض بس ولا مرة حكينا مع بعض.

4- ماهو سر علاقتك بديمة حلواني؟؟
- لا سر ولا شي بس نعرف بعض من أيام الطفولة.

6- ماهو انطباعك عن كلية الاداب قسما للغةا لانكليزية من الوهلة الاولى لدخولكي الكلية؟
كنت مبسوطة كتييير وكانت ما اشباشي وكانوا الدكاترة واالمعيدين بالسنة الأولى غير شكل وكويسين بس بعدين بلشت الصدمات والعواصف

7- هل تعتقدين بان كل ماحصلتي عليه من علامات دعينا نقول هو حقك وأنك لم تتعرضي للظلم أبدا؟
بالنسبة الي بصراحة بالعلامات لأ ما انظلمت وكنت بستحق علاماتي بالنسبة لكتابتي

8- هل ليدك أس حساسية مع بعض الدكاترة ؟؟ ومن هو ؟؟ وهل تكرهين أحداً ما
لأ أبدا بس بكره بعضهم مثل فتيح على قد ما دمرنا تدمير

9- عندما يقومون الطلبة بتقديم شكوى على دكتور ما , هل تقومين بالمشاركة ووضع اسمك فيه؟
اي حسب الدكتور يعني اذا كان معاهم حق اي اشارك بالاعتراض وأسجل اسمي

10- هل سبق وأن قدمتي || برزنتيشن||
قدمت بالسنة الرابعة الفصل الثاني لأنو كان اجباري وحبيت شوف مستواي وجرأتي وجرب هالشغلة مشان ما تظل حسرة

11- أذكري لنا موقفاً مضحكاً وأخر مزعجاً وأخر أيظاً مؤلماً صدف معكي في مسيرة دراستك
هلأ الموقف المضحك هو بمااني كنت ساكنة مع بنات من كل المحافظات ببناية (مستأجرين) فصارت مواقف تشبع ضحك بس في واحد يضحك حييل انو كل يوم جمعة يبلشوا البنات يعزلوا وينظفوا كل وحدة غرفتها فقمت أنا مع هالصبايا وبلشت أنا ورفيقتي بغرفتي وقمت ونظفنا البطانيات والمخدات ونشرناهم ولما جيت تأجيب الغسيل من الحبل ما احس الا مخدتي مو عالحبل ,ياربي وين راحت طارت لا مو معقول ونبشت البلكون والطابق والشقة ونزلت عالجيران ومالقيت شي وسألت كل البنات اذا شافوها أو مخربطين قالوا ماشفناها واجت صديقتي ودورنا بس ماكانت هالزفتة تنلقى . المهم وأنا قام أدور أجت صديقتي وقالتلي انو فلانة مزعوجة منك ياريم وتقول اش هاي ليش ريم تشك بيني ,و قال تغيرت نظرتها, وكملتها علي ورحت واعتذرت من هالبنت وضلينا ساعة وأنا أعتذر وما كان قصدي ويويلي على هالقصة وفوقها صديقتي تلومني وتقولي لأ مالك حق وأنا انجنيت وقلت خلص عمرين هالمخدة . بالأخير أخذتني صديقتي عغرفتها واجوا البنات كلهم وأنا استغربت هاللمة بصراحة وما أحس الا صديقتي والبنت اللي عملت حالها زعلانة فقعوا من الضحك ووقتها اعترفوا هالدبات انو المخدة عند صديقتي مخبيتها وانو هاذا الشي الصار مخطط له مسبقا وماحدا زعلان ولاشي بس حبوا يعملوا بيني مقلب و فرطنا كلنا من الضحك وهيك هالموقف لو شايفين كيف صار وكنتوا معنا كان .......
أما مواقف مزعجة ومؤلمة يعني الا مانتعرض لهذا الشي بس ماني متذكرة هلا بعدين بكتبلك

12 _ كيف تقضين معضم وقتك اليومي؟
أقضيه شي نوم شي مسلسلات شي جلي شي البيت شي اقعد عالمنتدى وأحيانا بعمل لحالي اختبارات عالمواقع تبع اللغة الانكليزية وتبع المنتدى

13- بماذا تستعيينين بالانترنت؟؟ وأي الماوقع الأكثر زيارة ؟
والله بفوت عمواقع بناتية من موضة ازياء ومكياج مافي شي محدد وكمان مواقع لتطوير الذات ومواقع خواطر وشعر وأكيد مواضيع اسلامية بتلفت نظر وبقراها

14- هل تعتقدين بان المنتدى له فائدة كبيرة ويمكن أن يقدم جزء كبير من الفائدة للطلبة؟
بالنسبة للمحاضرات تبع السنوات كلها في دائما معلومات تازة وأخبار الكلية والمواد والعلامات تمام بس لازم نطور ونزيد من المواضيع اللي تخص اللغةالانكليزية لأنو بصراحة غير كافية

15 هل أنتي مع مقولة أن الحب أعمى؟؟
اي الحب أعمى وأطرش وأخرس وكل شي وهو برأيي قدر
16- هل سبق ووأن أعجبتي بشخص ما داخل الكلية أو خارجها؟
داخل الكلية اي أكيد لأنو اجباري أربع سنين( اعجاب من الطرفين) أما خارجها لأ أبدا

17- نظرتك للسباب الكلية أقصد هنا كليتنا, بالاظافة إلى بناتها
الشباب بكليتنا والله مأعرف بس شباب الانكليزي ماشي حالهم محترمين بس لسى مراهقين أحسهم وفي نسبة كبيرة غدارين أما بنات الكلية على قسمين قسم ملتزمات ومحترمات ومافي منهم وقسم شايفات حالهم ومايعات ومصلحجيات

18- هل تجبرين على أتخاذ موقف ما أنت غير راضية عنه؟
اي اذا كانت مقتنعة فيه ويرضي ربنا أكيد بنفذو أما غيرو مستحيل حدا يفرض علي شي

19- من هو فارس أحلامك وكيف تتخيلينه؟
فارس أحلام ما فارس أحلام لازم الواحد يكون واقعي شوي بس أهم شي عندي الصدق مع النفس والمخافة من الله
20- هل سبق وأن تعرضتي للمضايقة -تلطيش- مثلاً من أحد الشباب في الكلية او خارجه

بالكلية لأ أبدا بس خارج الكلية مستحيل بنت بهالزمن ماتتلطش وانشالله تكون منقبة.

استلمي باك
- من وين انتي .؟؟
أنا ماني من الدير أول شي تاني شي اعذروني هالشي صعب اقولو عالمنتدى.
-
2- كم عدد الاخوة والاخوات ؟؟
نحنا 3بنات و3 شباب
-
3- كم ترتيبك بين اخوانك ؟؟
الرابعة
4- عندك صديقة مقربة ما ممكن تستغني عنها وبتوثقي فيها لأبعد الحدود ؟؟ مين هي ؟؟
- اي في صديقتي من أيام الاعدادي صديقات بكل معنى الكلمة ولحد الآن مع بعض وفي كتيييير صديقات ورفيقات وزميلات والحمدلله عنج هالشي نعمة من الله

5- شو رأيك باعضاء المنتدى بشكل عام ؟؟
والله غير شكل وعطول متحمسين ولبقين ومحترمين وأكابر
-
6- أوصفيلنا كل عضو من هالاعضاء بكم كلمة ( فادي – محمد الشاهر – مادو – أمير الصمت – الباشق – جريحة – صبا – ستورم – غون – باك ) ..!؟

فادي:حباب وبيحب الخير ومحترم لأبعد الحدود,طموح
محمد شاهر:عاطفي مبين,جريء,واثق بنفسه
مادو: مادو عاد جخة ,مهضوم,أشعارو بتجنن,ومحد يسلم منو
أمير الصمت : والله لسى مابعرف بس محترم (عفكرة اسمو نفس اسم بلوتوثي)
الباشق :جريء
جريحة:الفتاة الحساسة ,موهوبة ,شخصيتها قوية وكمان طيوبة
صبا: ش************* قوية,جريئة,واقعية
ستورم : مبدعة,حبابة
غون : الفتاة المميزة,واثقة بنفسها,قد المسؤولية , تحب الخير ,ومبدعة وحبابة
باك :ذكية ,حبابة,واثقة بنفسها,شخصيتها مميزة


7- في أحد من الاعضاء ماهضمتيه ومين هو ؟؟
اي بس بلا زعل صبا والباشق

8- مين أكتر عضو من الاعضاء ارتحتيلو ؟؟
الكل يريحون
9- شو هو الشي اللي حاسستو ناقص بهالمنتدى ؟؟
تمام بس لو مواضيع عن الانكليزي أكتر يصير تمام

10- شو ناوية تعملي مستقبلا ..؟؟
ماني حاطة ببالي التدريس بالمدارس وبصراحة بتمنى اتوظف وظيفة محترمة

11- شو هو أحلى يوم كان بحياتك ؟؟ وليش كان الاحلى ؟؟
في كتير ايام حلوة بس هلا مو خاطر ببالي شي بعدين اجاوبك


12- أصعب موقف مر عليكي ..؟؟ شو هو ؟؟
يوم كنت سنة أولى تعرضت بوقت الامتحان لمشكلة مع بنت كانت معاقة والواحد مايقدر ياخذ حقو ويتعامل مع هدول الناس وكانت الله ييسرلها تدور عالمشاكل دوارة وانا كنت لساتني سنة اولى ومابعرف واجه مشاكل بعيد عن اهلي وضلت تزعجني وتزعجني وانا متحملة احتراما لسنها ولوضعها لحد ما طقيت وتلفت اعصابي فاضطريت اني أسكتها وبعدين اجو اهلي قبل الامتحان بيومين واخدوني مشان تتغير نفسيتي بعد ماصالحونا . وهلأ هي كتير بتحترمني ودائما تقولي انو تعلمت مني كتير شغلات وولا كأنو شي بيناتنا
13- دخلتي الانكليزي عن رغبة وإلا شو ..؟؟

اي عن رغبة لانو بموت بالانكليزي من زمان

استلم فادي

ماذا ستكتب لنا لتعبر عن حياتك التي عشتها الى الان في كلمات قليله ؟
حياتي كلها طفولة بطفولة ولحد الآن يقولولي انو فيني شي من الأطفال ,وكمان بالنسبة لحياتي الجامعيةحلوة كتير
وخصوصا اني درست بعيد عن أهلي فكانت مسلسل من الحكم والدروس والتعرف على مختلف النفسيات والطباع وكشف الذات بسلبياتها وايجابياتها وكسب الأصدقاء والحمدلله بالنيبة لدراستي راضية عن حالي

. اذا اردت ان تبكي الان , فعلى من تبكي؟
أبكي على فراق الغوالي

من ستختار ليمسح دموعك ؟
أختار ريم

لو خيروك بين حبيبك وبين اعز صديق فمن تختار ؟
أكيد الصديق

.ماهو تقييمك لهذا المنتدى بصراحه ؟
واقعي وحماسي
وتصميمو روعة

.من يسكن قلبك؟
لا أحد

.هل تعتقد ان حظك سيئ؟
من الناحية العاطفية مالي حظ فقط

.هل هزمك حزنك في يوما من الايام؟
لأ ,لأني بخاف من الندم

.((مستحيل انساك)) لمن تقولها ؟
لوحدة من صديقاتي اللي سكنت معهم بالدير
اسمها مريم

.(( اللي راح راح وماتفيد كلمة ياريت ))
إذا أردت ان توجه هذه العباره لنفسك, فماذا تقصد بها ؟
في ااشخاص بحياتي بعد ما عرفت طينتهم ندمت لأن كنت آخذ بنصائحهم
لأن آرائهم كانت مو لصالحي بس ماكنت دريانة


.(( انت كل شيء بحياتي )) لمن تقولها ؟ لأهلي

متى اخر مره بكيت؟ لما سافر أخوي عالسعودية وقتها شفت أمي قاعدة لحالها وتبكي وبلشت دموعي تنزل

اي الدول تتمنى ان تزورها ؟ اسبانيا بريطانيا ماليزيا والا مارات

هل لديك الجرأه ان تقول عمرك أمامنا ؟ اي طبعا ( 21 )

هل انت راضي عن نفسك ؟ اي الحمدلله

.هل تؤيد الزواج العاطفي ام الزواج التقليدي ؟ ولماذا ؟ الاثنين , لأنو هالشغلة بالذات قسمة ونصيب

.ايهما اهم شهادتك الجامعيه أم الزواج ممن تحب ؟ برأيي انو الشهادة الجامعية أهم

.هل تعترف بشيء اسمه الصداقه بين الرجل والمرأة ؟ لأ

.هل انت مدمن تفكير؟ اي

.من هو اكثر شخص تفكر فيه؟ حاليا مافي حدا ماخذ كل تفكيري


.اذا تم تعيينك ملكا لجميع البلاد العربيه فما اول قرار ستتخذه ؟ تطبيق الشريعة الاسلامية

.هل تكره شخص بشده في حياتك ؟ لأ مستحيل أكره بس في ناس ما أقدر أتحملهم

.ما هو اقتراحك الذي تتمنى ان يحدث في هذا المنتدى ولم يحدث الى الان ؟ مافي عندي أي اقتراح

.هل ملابس الشخص امامك تؤثر فيك لتأخذ عنه انطباع ؟؟
لأ أبدا لأنو في فيلسوف يقول (اذا أردت أن تكتشف صديقك فجرده من ملابسه)

.ماالذي يلفت انتباهك بسرعه في الشخص لكي تعجب به ؟ اللسان الحلو اذا حكينا طبعا , الوجه البريء الضحوك
الثقة بالنفس

اذا احببت شخصا في الوقت الخطأ وفي المكان الخطأ فماذا تفعل ؟؟ هلأ الحب قدر برأيي متل ما حكيت بكمل واذا مو لصالحي أنسحب

.حكمة تؤمن بها جدا؟؟ في حكم كتيرة بآمن فيها بس اللي خاطرة ببالي هي (الصبر مفتاح الفرج)

.عاده تفعلها دائما تتمنى ان تتركها ؟ النوم بوقت متأخر

ماهو اجمل اسم لولد واجمل اسم لبنت من وجهة نظرك؟ اسم ولد : قيس , وائل , ليث
اسم بنت : لين

.ماذا تفعل اول شيء اذا ربحت مليون ؟ اشتري سيارة

.هل انت من لديهم رغبة حب التملك واذا تملك الشيء اصابه الملل منه ؟ لا أبدا

.اعتذار تريد ان تقدمه لمن؟ لأمي لأني أحس حالي مقصرة تجاهها

هدول لفادي :

- لو صدف وإن التقيتي بي فماهو الشيئ الذي ترغبين أن تقولينه لي؟
- أقولك انو لا تغير بحالك شي أبدا وانك شب طموح ومثابر
-
2-هل تبكين على حب فاشل؟؟ وهل صدف وإن واجهته؟
- لللللللللأأسف اني عاطفية كتير يعني اي لو صادفت هالشي ببكي ,بس الحمدلله مافشلت ولا بسمح اني أقول فشل يمكن الواحد لازم يقول تجربة وعدت أو درس وتعلمت منو أو ذكرى حلوة
-
3- هل تعتقدين بان هناك حب من أول نظرة أم اعجاب من اول نظره؟
- اعجاب من أول نظرة هو اللي أ***********ط. أو خليني أقول معقول أكثر
-
4- هل ما نواجهه في هذه الايام ونعيشه يعتبر حب بمعنى الكلمة؟
- لأ أبدا مو حب وتسعين بالمية من العلاقات هلأ كاذبة ومشان نكون أكثر عدلا عشرة بالمية في صدق وبالنهاية ماحدا ياكل غير الشي المقدر عليه من الله
-
5- ما سبب عدم محبتك للاستاذ فتيح؟
- ولو ليش ايش بي شي يخلينا نحبو كلو استبداد باستبدادبس أكثر شي شخصيتو :من استهزاء للطلاب وأبدا ماعندو شي اسمو تشجيع
-
6- هل تعتقدين بانه كفئ للتدريس؟
- هلأ بالسنة الأولى كان معنا ممتاز بس بعدين صرت أحسو مايعطي من قلب وجاي بس تايجاكر بالطلاب يعني حتى لو هو كفؤ , اسلوبو مع الطلاب مو منيح
-
7- من خلال دراستك بالجامعة هل شاهدتي أي موقف فاضح؟
- لا والله أبدا بس بسمع كتير ما شفت بعيني
8- رأيك بالعمادة الرئيسية للكلية؟
- العميدة السابقة تحبنا وتريد خير الطلاب كانت, ومافي بمواصفاتها حدا نعم المرأة .

- أمزح معاكم هي عكس كل هالصفات؟
9- من هو الشخص الذي اعجبتي به هل من دفعتك أم من غير فرع؟
- سري للغاية ,اعذرني

10- هل تعتقدين بأني أنا شخصياً يوجد بي عيوب؟
- لأماشالله عسلامتك وفادي محد فينا كامل بس يخرب بيتك شقد مشيك سريع
-
11- هل سمعتي من أحد يوماً كلاماً غير لائق أو انتقاد لي من الدفعة؟
- فادي أنا مو دائما أحضر محاضرات وبيدك حق تسأل لأنو في ناس مصدقة على حالها انهم شغلة فيتلقطوا الزلات عالناس
- بس ولا مرة سمعت

12- بعتقادتي هل هناك أعداء وقفوا في وجهي في الجامعة؟
- السؤال مو واضح أما اذا قصدك أعدائي لا الحمدلله مالي أعداء وما يهمني

13- هل أنا منخدع ببعض الاشخاص بالكلية؟
- مابعرف والله بس اذا في حدا خدعك فالله ماينسى

14- هل أنتي منخدعة او تعرضتي للخيانة من بعض الاصدقائ؟
- الخيانة لأ أبدا
- بس في أشخاص كتير مو انو مخدوعة فيهم لأ , بس اكتشفت انو عقلهم زغير

15-ما هي أجمل سنة عشتها في الكلية؟
- كل السنوات حلوة ماعدا الثالثة

16- ماهي الموضوع الذي يشدك في المنتدى؟
- الخواطر والشعر

17-ماهو اجمل فصل تحبيه؟
- الربيع

18- ماهي المحافظات التي زرتها او تحبين ان تزورينها؟
- زرت الشام كتير وحلب بس والله بس بحب روح على اللاذقية وطرطوس وحمص

19- علاقتك بأقاربك كيف توصفينها لنا؟
- عادية كتيييييييييييييييييييييير ومنيح انو هيك لأنو أنا فرضت هالشي ومبرتاحة فيه لأنو العشرة معاهم توجع الراس وتجلط

20- كيف توصفين لنا شعورك عندما نجحتي في البكلوريا وعندما ظهر لك لاق**** بالجامعة , بلاظافة كيف كانت السنة الاولى لك بالجامعة؟
- هديك اللحظة فرحة لا توصف ولسى أهلي فرحوا أكتر لأنو ماكانوا متوقعين أنجح مو لأنو كسلانة لا والله أنا شطورة بس لأني جنيت ووبطلت أدرس وكنت روح أقدم وأنا ماني دارسة الا كم درس بس الانكليزي المادة الوحيدة ال بصمتها بصم وجبت 39 من 40 وعهالأساس فتت انكليزي الفرع اللي كنت أحلم فيه

أما السنة الأولى فهي الأساس والطفولة والخبرة والجنان وأحلى شي فرحتي لما ا سافر عأهلي بنجن وغير شكل والله

هاتي لشوف اجادوري

اقتباس :

- لأماشالله عسلامتك وفادي محد فينا كامل بس يخرب بيتك شقد مشيك سريع

ههههههههههههه عداء

استلم أمير الصمت:

**************- كم طولك ؟ وكم وزنك؟
طولي 163 ووزني 54

2-شـخــص تتمنــي الإنتقــام منـــه؟
أنا بخليها لربنا ومابنتقم

3-كـلمـــة قلتيها وتمنيـــــت ان تسـتطيـــعي سحـبهــــا؟.
أنا بفكر بكلامي قبل ما بقولو لأنو اللي مايحسبها ما يسلم فماني ندمانة عشي

4-مـوقـــف صــدمــكي ولــن تنســــيه؟
الحياة كلها صدمات بصدمات بس أكثر شي يقهر الناس المقربة هدول لما يآذونك أوووووووووووووووو

5-حلم لم تستطيـــعي تحقيقه؟!؟
كنت احلم اني اكون من الاوائل عدفعتي بس تراخيت

6-من هم الأعضاء اللي تتمنى تشوفيهم؟
كلهم

7-عضو داخل مزاجك ؟
مادو. سي اوف هوب

8-عضو نفسك تغير اسمه ؟
نوناج بس بتمنى ماتزعلي صبا نيتي طيبة

9-آخـــر شخـــص تتـــذكــــريه قبـــل أن تنـــــامي؟
شخص بس هلأ قام ينمحي

10-حقيبة أسرارك عند من تضعيها ؟
عند صديقتي ال حكيت عنها أول شي

11-أحد علماء النفس قال ذات مرة : ( أنه باستطاعة الإنسان العيش بدون أصدقاء ... ) مارأيك أنت ؟؟؟
انا بقول في ناس تقدر تتحمل هالشي وعادي
وفي ناس ماتهمهم الصداقة
وفي ناس تكتم ومثل السمكة لما يطلعوها من المي وأنا منهم

12-في زمن البحث عن المادة ... عن ماذا تبحث ريم ؟
عن الوفا والاخلاص والطيبة

13-رتب هذه الكلمات حسب الأفضليه لديك
الصحه - المال - الاولاد - الزوج - الحصول على أعلى المناصب - راحة البال؟
راحة البال-الصحة-الحصول على اعلى المناصب-الزوج-المال-العجيان

14-عضو بالمنتدى تتاابعي مواضيعه باستمرار..... من هو او من هى؟؟؟
ماعندي حدا معين وانا حسب الموضوع اذا عنوانو لفت نظري افوت

15-من هو العضو الذى ترتاحي له بالمنتدى ؟؟؟؟
تم الاجابة

16-دعوه صادقه من اعماق قلبك لمن تهديها ؟
للشعب السوري

17-باقة شوك لمن تهديها ؟
حلو هالسؤال , لشخص اناني

18-صفه فيك تكرهيها ؟
النوم الكثير والنوم بوقت متأخر وال
جدية احيانا

19-ما هو أفضل موضوع قرأتيه بالمنتدى؟
في مواضيع درر هون

20-ما هو أسوأ موضوع قرأتيه بالمنتدى؟؟
المواضيع تبع الجرائم مو كتير بحبها

21-غرق المنتدى ومعك قارب مايشيل الا ثلاثه من تاخذي معك ؟
سؤال محرج,أكيد فادي ومادو ووووالبنات كلهم أشيلهم على راسي بس عنجد الواحد مايقدر يستغني عن أعضاء المنتدى

اقتباس :

عضو داخل مزاجك ؟
مادو. سي اوف هوب

والله ياريم هذا شرف كتييييير كبير الي

اقتباس :

غرق المنتدى ومعك قارب مايشيل الا ثلاثه من تاخذي معك ؟
سؤال محرج,أكيد فادي ومادو ووووالبنات كلهم أشيلهم على راسي بس عنجد الواحد مايقدر يستغني عن أعضاء المنتدى

والله ياخي انا لازم ارفع القبعة أجلالا لثقتك ولالك وجد ماعدت بدي اعرف شو ااحكي بس شكككككككرا

انا بقول انو الشب او البنت لما يحكو ع النت بيغيروا شخصيتون وما بيقولولنا شخصيتون الحقيقية
ليش خلونا نسال هالسؤال الخطير
حتى لما بيغيرو شخصيتون لناس طيبين بيرجعو بعد فترة لاول شي
شششششششششششششووووووووووووووو رايكم و رايكن صح ولا قلط

في شغلة بدي قولها لفادي لما تجي عالكلية بتحس انو الكل
بيطلع فيك و يراقبونك لهيك عم تتلبك وما بتعرف شو بيصيرلك صح فامشي بهداوة و راسك مرفوع لفوق لفوق متل العلم لانك الافضل بالكلية و عم تعمل كتير شغلات لرفاقك
و الجمال ليس باثواب تزيننا صح و لا قلط و شكزا