هااااااام !! لطلاب السنـــــــة الأولــــــــــى !!!

تحيــــــــــــة طيبـــــــــــة للأخوة الأعـــــــــــزاء – طلاب السنة الأولــــــــــى

تكثر الأسئلة أحيانا عن طبيعة المواد بالسنة الأولى و عن كون المادة مؤتمتة أم لا

و الغريب انو الى الان لم يسأل أحد من طلاب السنة الاولى عن المواد

على كل حال --- هي لمحة مختصرة عن مواد الفصل الأول مشان ما حدا يتفاجئ

اللغة 1 language 1 -

وهي من أكثر المواد متعة و سهولة .
تقسم الى قسمين :
القواعد : الكتاب المعتمد English grammar in use ولها 60 علامة .
الصوتيات : English pronunciation in use و لها 40 علامة .
طبيعة الاسئلة : مؤتمتة للمادة كاملة .
-- بالنسبة للقواعد ينصح بحفظ أمثلة الكتاب ( صحي هي مو طريقة للتعلم ) بس الاسئلة تجي من الأمثلة .
( يعني مشان ما تنخدعوا انو القواعد سهلة و من معلوماتنا القديمة ننجح – احذروا)
-- بالنسبة للصوتيات : نفس الوضع للي بدوا علامات يحفظ أمثلة المحاضرات – بس هالمادة الها خصوصية شوي – يعني ينصح باتقانها من السنة الاولى و كثرة استعمال القاموس بهالمرحلة للتاكد من لفظ اي كلمة – لانو هالشي رح يريح بعدين .

الترجمة1 translation1 -

من أهم و أسهل المواد .
مافي مقرر معين أو كتاب .
 يتم خلال السنة التدرب على ترجمة و تعريب بعض النصوص من مختلف المجالات ( سياسية – طبية – اجتماعية – رياضة ...) .
 و ربما بعض الاختصارات الشهيرة و المصطلحات الدارجة .
 يسمح باستخدام قاموس انكليزي – انكليزي خلال امتحان الترجمة .
 الاسئلة عبارة عن نصوص يطلب ترجمتها أو تعريبها (تكون سهلة بالترجمة و لكن الاهم هو اسلوب الطالب و الستايل اللي يكتب فيه – اوكي ؟؟؟ ) .

التعبير و الاستيعاب1 - composition & comprehension1

من المواد الشيقة و الهامة بكل السنوات .
 يتم خلال الفصل دراسة أحد كتب ال writing حسب الدكتور شو بيقرر.
 يتم التدرب على كتابة الموضوع باللغة الانكليزية ( paragraph ) .
 و كتابة الجمل البسيطة و عناصر كتابة المواضيع بكل انواعه.
 الاسئلة عبارة عن موضوع خياري ب 50 علامة ( تكتب paragraph عن موضوع معين ) , بالاضافة لنص متوسط الحجم عليه اسئلة استيعابية و بسيطة ( كالاسئلة الاستنتاجية و المرادفات وما شابه ) .
 ملاحظة هامة مشان ما تتفاجئوا : هالمادة تتسمى حارجية مثل الترجمة يعني ممكن كل الاسئلة تكون من خارج المقرر – بس ما بيهم مثل ما حكينا – اوكي ؟؟؟

أصول البحث - study skills

مادة عن جد مفيدة.
 الكتاب المعتمد : study skills .
 تهتم هذه المادة بطريقة البحث بالقاموس – و دراسة الاشتقاقات باللغة الانكليزية – و البوادئ و اللواحق – و اصول الكلمات و جذورها .
 المادة شبه مؤتمتة – يعني 80 بالمئة منها مؤتمت و الباقي تعاريف بسيطة من المحاضرات .

المدخل الى النثر - introduction into Prose

المادة الأدبية الوحيدة بالفصل الأول.

 يتم اعطاء بعض المحاضرات بخصوص النثر و بعض التعريفات الهامة بهذا المجال ( عبارة عن 3 او 4 محاضرات ) .
 و هناك راية يتم دراستها ايضا خلال الفصل و هي عادة ما تكون الرواية الشهيرة The Old Man and The Sea ) العجوز و البحر ) – و هي رواية رائعة و ممتعة .
 بالنسبة للاسئلة مؤتمتة – هناك نماذج و اسئلة دورات كافية وافية بخصوص هذه المادة .

اللغـــــة العربيــــة - Arabic language

هناك كتاب اللغة العربية لغير المختصين .
يتم التركيز علة كم بحث و كل القواعد
و الاسئلة عادة تكون بسيطة جدا .
بالاضافة لوجود ملخص بالمكتبات يمكن الاستفادة منو ايضا .

ملاحظــــــة هامة ::

بالنسبة لأسماء المقررات بالمواد و فيما اذا كانت المادة مؤتمتة او لا – فأنا نقلتلكم تجربتنا بالسنة الاولى ( اللي صارلهم ماشين عليها فترة )

بقا ممكن يجي استاذ معين يعمل مادة مؤتمتة و هي كانت تحريري اوكييي – مشان الحلال و الحرام
بس على كل حال المهم تأخذو فكرة عن المواد بشكل عام -- طريقة الاسئلة مو كتير هامة .

Your brother: Mohammad Shaher

Best wishes

رائع جدا شكرا محمد وأكيد راح بستفادو كل الطلاب الجداد

مشكووور أخ محمد ع التوضيح وشرح طبيعة مقرارات الفصل الاول للسنة الاولى لما كنا بعمرهن قصدي سنة اولى دخلنا مابنعرف شي عن المواد $Don\'t know$
شكرا مرة تانية

الله يعطيك العافية عالهالمشاركة اللطيفة لأته كتير كنا محتاجين حدا يشرحلنا أي شي يخص المقررات وإنت ماقصرت
أكرر شكري

مية أهلا و سهلا

الف شكر محمد عم ننسال كتير من قبل طلاب السنة الاولى
وعم حاول تابعهم من خلال بعض صديقاتي نفس مدرسينا
بس في اختلاف بالنسبة لكتب القواعد والصوتيات لانو اختلفو الاساتذة فياريت تتاكدو من الكتاب المطلوب قبل ما تشتروه
وكمان في احتمال انو النثر تكون كتابية السنة كمان اتاكدو من هالشي
وموفقين جميعا Smile

اقتباس :

الف شكر محمد عم ننسال كتير من قبل طلاب السنة الاولى
وعم حاول تابعهم من خلال بعض صديقاتي نفس مدرسينا
بس في اختلاف بالنسبة لكتب القواعد والصوتيات لانو اختلفو الاساتذة فياريت تتاكدو من الكتاب المطلوب قبل ما تشتروه
وكمان في احتمال انو النثر تكون كتابية السنة كمان اتاكدو من هالشي
وموفقين جميعا

هلا غوووون

انا حطيت ملاحظة بنهاية الموضوع بخصوص التغييرات -- وشباب السنة الأولى لازم يتابعوا الامور بحذر
بس حبيت انو ياخذو لمحة و ما يستصعبوا الامور

سلاماااااات عاشق --- كيفك استاااذ -- وين هالغيبة

حضرت صوتيــــــــــــات اليوم شي ؟؟؟؟؟

» لطلاب السنة الرابعة
» هااااااااااااااااام لطلاب السنة الثالثة
» مدخل للأدب الانكليزي لطلاب السنة الاولى المستجدين
» لطلاب السنة الاولى تواجه صعوبة في الصوتيات الحل هنا
» لطلاب السنة الأولى المطلوب من مقرر الفرنسي2012