احمر بالخط العريض

موضوع: رد: احمر بالخط العريض 2011-11-30, 01:27

حلو الموضوع كتير غوست والأحلى ره ردودكم وآرائكم هلأ حسب الدراسات الحديثة سمعت انو المرأة مايطول عندها السر كتير. بس ياخي والله هالشي يرجع للطبع أو حسب ش************* الواحد سواء امرأة أو رجل و كمان متل ما قالت غوست حسب قوة الايمان

موضوع: رد: احمر بالخط العريض 2011-11-30, 01:42

وأنا كمان بقول إنو هالشي يعتمد على حسب كل شخص وضميرو ولازم الشخص مايخون الأمانة مهما كانت ... والسر يظل سر سواءا كان بيضر إذا حكيناه أو ما بيضر هو بيظل سر مهما كان وما لازم نحكيه ... وبتوقع الرجال أكثر شي بيكتمو للأسرار بحسهم غامضين شوي أو حتى لو كانو صريحين مابتوقع ممكن يحكو .. بس أكيد مو كل أصابعنا متل بعض ..

موضوع: رد: احمر بالخط العريض 2011-11-30, 01:54

ياجماعة انتو بس قولوا للبنت انو سر بتلاقوا انو شاع ههههههههههه
يعني هي حقيقة ش************* ويمكن مو بشكل مباشر مثل بالدير بيقولا
"" مادريتي شكون صار مع فاطمة ".. " لا والله شكون" ليش ما قالتلجي" لا والله ما قالتلي" عجل خلص بلا ما راح اقلجي لان امنتني ما اقول"
طبعاً بعد حكي وحكي بيكونا لسر طار ههههههههههههههههههههههههه

موضوع: رد: احمر بالخط العريض 2011-11-30, 02:19

ههههههههههههههههه
هههههههههههههههه
ههههههههههههه
ههههههههههههه
يا فادي والله مو كل أصابيعك متل بعضهم.

موضوع: رد: احمر بالخط العريض 2011-11-30, 02:32

انا مرة وحدة قالتلي بس هي حاكية لصديقتها ومامنتها وانو ما تحكي لانو هديك تعتبرو سر وهي امنتي نقلا عن لسانين انو ما احكي بس المشكلة مو فيني المشكلة انو كنا بجمعة ههههههههه
ههههههههههههههه ههههههههههه بتصير بتصير فادي laughing

موضوع: رد: احمر بالخط العريض 2011-11-30, 02:59

ههههههههههههههههههههههههههههههههههههههه
انا شيب راسي من ورا الاسرار وهالسوالف ههههههههههههههه
قال اسرار لا وين بكلية الاداب عشنا ههههههههههههههههههههههههههههههههههههه

اذا مو سر ببلش التغميز وعض الشفايف نهرت الشفايف من كتر ما بيعضوا
"" خلص خلص لا تحجين أجت اسع تفضحنا"

موضوع: رد: احمر بالخط العريض 2011-11-30, 21:07

شو بشوف لكل اتفاعل مع هالموضوع

بس اسع صار الدور عندكم انتم

حطولنا فكرة لناقشها

أنا ما عاد احط فكر

هههههه

موضوع: رد: احمر بالخط العريض 2011-12-01, 07:09

اي اجباري الكل بدو يتفاعل ياغوست

لان كل واحد بهالدنيا معاني من الفكرة

يلي طرحتيها

Farewell

موضوع: رد: احمر بالخط العريض 2011-12-01, 19:54

اي والله الكل معاني
آآآآآآآآآآآآآآآآآآآآآآآه
آآآآآآآآآآآآآآآآآآآآآآه

بس شكلكم ما بدكم تحطو فكرة مشان نناقشها

موضوع: رد: احمر بالخط العريض 2011-12-01, 20:02

حلى خبرية من حمص العدية .. أنو كتير في عيلات صارت تجوز بناتها بدون دهب .. وأصلا من دون هالتكاليف و هالفزلكات يللي كانت تصير .. و أهم شي بدون دهب ..

لكن غرام الدهب رح يوصل لحيطان الـ 3000 يعني بالمشرمحي غرام الدهب بيع****ك حوالي 150 ليتر مازوت يعني بتدفى فيون حوالي الشهر ..

يعني صحي الأوضاع صعبة .. بس اللي حابب يتجوز هلاء فررصة عمره .. ههه .. لبس هالخاتم وقوول الله ..

موضوع: رد: احمر بالخط العريض 2011-12-01, 21:30

لا حدا يقلي والله الحماصنة مافي منن
وعلى فكرة الدهب بيعتبر مقدم مهر العروس
فهاد شرع اما المصيبة انو صارت عادة
وصارت الناس تتباهى فيه ونسيو غرضو الاساسي
وبكل الاحوال لما ينوجد طرفين متوافقين فالامور المالية المفروض تصفي اخر شي Yes master

موضوع: رد: احمر بالخط العريض 2011-12-01, 21:43

اقتباس :

وبكل الاحوال لما ينوجد طرفين متوافقين فالامور المالية المفروض تصفي اخر شي

بالله متحكي ذهب يا غوووون

أهم شي ال harmony

موضوع: رد: احمر بالخط العريض 2011-12-02, 04:21

تحية لأهالي حمص
والله غير شكل الحماصنة والواحد منين بدو يبلش تايبلش بالمدح عنهم, راااائعين.
شباب صحي الهارموني فوق كل شي وهو الأهم بس المصيبة مو ال couple ,المصيبة اذا الأهالي تبع ال couple صار بينهم هارموني بخصوص أمر الذهب وهالشغلات.

موضوع: رد: احمر بالخط العريض 2011-12-02, 05:22

والله هالكلام كتير حلو
بس ياريت وبس

موضوع: رد: احمر بالخط العريض 2011-12-02, 07:23

أحلى تحية لأحلى شعب ...بالفعل يا ريمو شو ما مدحنا فيهم مابنوفيهم ..
الله يخفف عنهم انشالله وعن الجميع ... ويكتب الخير ..

موضوع: رد: احمر بالخط العريض 2011-12-02, 16:59

اعظم اختراع بعالم النت برأيي هو البلوك والديليت

شخص ماعجبنا...منعمل بلوك فوراً وخلصنا
شخص ندمنا على معرفتنا به بعد وقت....منعمل بلوك وديليت فوراً
شخص حبينا نهرب منو مؤقتاً...منعمل بلوك فوراً
وبيجوز كل واحد عندو سبب ليعمل بلوك وديليت

هاد الشي سهل بعالم النت

اما بالحياة الواقعية كيف فينا نعمل بلوك وديليت لأشخاص مفروضين علينا
لأشخاص كرهانين وجودهم بحياتنا
أشخاص ظهروا بطريقة غلط بحياتنا وقررنا التراجع عن معرفتنا فيهم
اشخاص بتعرف انو من ورا علاقتك فيهم حياتك لح تتدمر ..بس مالك قدران تتراجع

كل واحد منا الو طريقة بالتفكير بعمل هالبلوك الواقعي
او الديليت النهائي من الحياة

سؤالي الوحيد
كيف بتقدر تعمل بلوك وديليت عالواقع؟؟؟؟؟

$I don\'t know$ $I don\'t know$

موضوع: رد: احمر بالخط العريض 2011-12-02, 17:42

كلامك جميل جداً,
هلا بالعالم الافتراضي فينا نعمل ايا شي نحن بدنا يا
بس بالواقع صعب جداً وخاصة الديلت والبلوك لان احياناً راح نتقايل مع هذا الشخص
ولكن يجب ان يكون هناك عزيمة واصرار ونبعد كل من يأتينا بمشاكل او يجعل حياتنا تعيسة

موضوع: رد: احمر بالخط العريض 2011-12-02, 18:50

اقتباس :

عزيمة واصرار ونبعد كل من يأتينا بمشاكل او يجعل حياتنا تعيسة

ياترى الواحد فينا عندو القوى الكافية
لنبعد الناس يلي يأذونا
من طريقنا
الواحد مو دايما يمتلك هي القوى

موضوع: رد: احمر بالخط العريض 2011-12-02, 20:06

صح وانا قلتلك من البداية مو كل واحد بيقدر يتحمل هالعبئ لهيك لازم من البداية الواحدب يقرر مين بصاحب لحتى ما بيتعرض ابداً لهيك امور

موضوع: رد: احمر بالخط العريض 2011-12-02, 20:19

صح معك حق
استاذ فادي

بس أحيانا الواحد
ياخذ أصدقاء ويكون مفكرر حالو
متخذ الاختيار الصحيح
بس يتفاجئ
بهالحالة القوى كلها ما رح تنفعو
لانو رح يكون انكسر وما عاد يهمو شي

موضوع: رد: احمر بالخط العريض 2011-12-03, 00:47

بالنسبة الي الديليت والبلوك بالحياة العادية اهون من النت لسا بكتيييير
بدها شوي ارادة وبدك تكوني واضحة مع حالك بالاول
انا بحياتي اخذت هالقرار قدام صديقات ومقربات لاكتر من مرة والحمد الله ما ندمت وكان عندي الارادة الكافية لهل شي

موضوع: رد: احمر بالخط العريض 2011-12-03, 06:33

نيالك ياستي
وانشالله دايما

موضوع: رد: احمر بالخط العريض 2011-12-03, 06:54

صباحو الخيري

أنا مشكلتي قلبي طيب و حتى ع النت نادرا ما بحط ديليت أكتر شي بلوك مع انه قليل

الشغلة محتاجة جرأة و ذاكرة سريعة النسيان

في مواقف تحتاج شدة و حزم و لو في أكتر من الديليت لازم نعمله

برجع بكرر مشكلتي قلبي طيب ... بسامح ع كل شي إلا الخيانة ... هي ديليت مباشرة

مرة وحدة حطيت ديليت ع الواقع لسبب غير الخيانة

بس في تطورات بالفترة الراهنة تحتاج اني حط ديليت لكم شخص

رح يكون الديليت بقطع مباشر لجميع أنواع التواصل بشكل مفاجئ

الله يعين

نسيت أشكر الآنسة غوست ع الموضوع ببداية الرد

اختاري أفضل صيغة للتعبير عن الشكر و الإعجاب بهيك موضوع رآأآأآأآأآأآأآئع و اعتبريها مني

موضوع: رد: احمر بالخط العريض 2011-12-03, 07:20

بالبداية شكراااااا عالرأي الرائع
وشكرا على الشكر

موضوع: رد: احمر بالخط العريض 2011-12-03, 08:34

شو هالافكار غوست من وين عم تنكشيهم
عكلن انت تعرفيني كتير منيح
مافيني اعمل بلوك وديليت كتييير بالعالم الافتراضي
فكيف عالواقع صعبة شوي

» 10 اسرار لاستخدام احمر الشفاه