تعوا نتذكر سوا برنامج التلفزيون السوري قديما

ذكريات التلفزيون السوري

كان النشيد السوري يليه القران الكريم ثم برامج الأطفال من مغامرات السندباد وسندي بيل وساسوكي وغرانديزر وعدنان ولينا الخ
صدقوني كانت برامج الأطفال كتير حلوة وبريئة

ثم تبدأ البرامج التقليدية كما يلي :

برنامج طلائع البعث وفيه رواد القطر ونشاطات الطلائع سابقا

برنامج نحن الشبيبة وفيه النشاطات الشبيبة البناءة

برنامج حماة الديار وفيه لقاءات مع القطاعات العسكرية المتنوعة والتي كانت تظهر دائما سرورها وسعادتها وجاهزيتها واستعداداتها للدفاع عن الوطن

برنامج أرضنا الخضراء وفيه التحدث عن الخضرة ومشاكل الفلاحين يوميا بعدا افلام كرتون شوفوا النقلة الدرامية !!!و ليس فيه جميل إلا أغنيته (خضرة يا بلادي خضرة رزقك فوار .. محروسة بعين القدرة تبقى هلدار)

برنامج من الألف الى الياء وهو برنامج ثقافي منوع

برنامج كان يا ماكان وفي كل حلقة حكاية وفي كل حكاية عِبرة

برنامج غدا نلتقي القديم الجَديد

وهل نسيتم برنامج حرفيون
أنا مرة شفتو ... مطالعين معلم تصليح صوبات (مدافئ) .. و عم يشرح كيف بيصنعوا بواري الصوبا (المدفئة) !..ومرة يطالعوا كيف بيصنعوا الراحة وطواق الخرز والعلكة

برنامج الثلاثاء الرياضي ويرحم ايامك يا عدنان بوظو وايامها كان ياسر علي ديب مساعد لبوظو وكان مصطفى الاغا ووجيه شويكي للعوزة
وكم راحت علينا مباريات محلية وأجنبية بفضل تقنية النقل الموجودة
بس الظاهر المشكلة مستمرة الى الآن

برنامج ما يطلبه المستمعون وما يتوفر من أغاني قديمة ونادرا أغاني جديدة

برنامج الشرطة في خدمة الشعب وغالبا ما كان فيه لقاءات مع أصحاب قضايا وسوابق كانوا دائما نادمين ويصرفون قيمة مسروقاتهم على الملذات الش*************

برنامج مجلة التلفزيون كل خميس ..بتلاقي المذيعات حافظين بصم شوبدون يقولوا

برنامج يا نصيب المعرض يوم الثلاثاء وقت السحب وشهادات الاستثمار ووقت يدور الدولاب ويدوره أطفال ..انا من ناحيتي اقعد راقب الاطفال شو عبيعملوا من ورا الدولاب هههه

برنامج راينبو على القناة الثانية وكانت المذيعة ما بعرف شو اسما تقعد تقرا الاهدائات ..بس حلاوتو انو أي اهداء بتبعتو بالبريد بوصل لعندون ولح تقراه المذيعة اكيد( من كتر ما عم يبعتوا العالم )

(سؤال ع الماشي)لمى كان مهران اليوسف يلحق العالم من قرنة لقرنة و يسألن ليش سموه الشارع الفلاني بالاسم العلتاني و يجابوا شي عشرة و بالآخر يقسم الجائزة القيمة (600 ليرة) عليهن بالتساوي.......

برامج اطفال القناة الثانية وعند الساعة السادسة مساء حيث كان يعرض افلام كرتون اجنبية او منها عربية مثل السيدة ملعقة اييييه

برنامج طرائف من العالم للاستاذ توفيق البجيرمي بأسلوبه وعرضه الممتع وصوته المميز أما عن عبارة البرفسور توفيق البجيرمي فكان يقول دائما بعد نهاية كل حلقة : ولله في خلقه شؤون ..أو فتفرج ..يرعاك الله...

برنامج الحِصن المدبلج يلي نعاد شي ميت مرة وما كنا نمل منو

برنامج للأستاذ توفيق حلاق يتحدث فيه عن حالات انسانية واشخاص مميزين

برنامج بريد الأطفال مع المذيعة المتميزة فاتنة محمد والذي كان يعرض مقطعا من فلم كرتوني يطلبه المتصل..وانا كنت بشوف المقطع وكنت اتمنى انو ما يخلص

برنامج التلفزيون والناس القديييم والقديم جدا

برنامج خبرني يا طير والمذيع جهاد سعد وهذا البرنامج الذي كان لا يرعى اهتمام إلا الذين فقدوا عزيزا عليهم أما البقية فلا ...ولكن أغنيته كانت جميلة

برنامج ما يطلبه الجمهور مع الفنان عباس النوري والذي كان يستضيف بكل حلقة فنان عربي ويُظهر مقاطع من الكميرا الخفية مع المتميز زياد سحتوت ورضوان قنطار والمرحوم جمال شقدوحة

كما رأيتم كانت البرامج كثيرة وكنا مجبرين على متابعتها ولا نملك الخيار الا في بعض المناطق التي كانت تستقبل محطات لبنانية ممتعة وقوية او أردنية جيدة
وفي حلب بدء الناس يضعون المقويات لاستقبال محطات تركية ورغم اننا كنا لا نفهم شيئا الا انه كان من الممتع رؤية تلك المحطات

اذكر انه يوميا كان هناك مسلسل يعرض من السبت الى الأربعاء في سوريا عالتسعة ونص المسا وكنا نعيش على أعصابنا لحتى يطلع قد ما يتقطع عرضه وخصوصي لما يكون في مناسبة وطنية وكانت تطلع مزيعة تقرا من الورقة شو بدو يطلع وتطالعلنا روحنا لبين ما يطلع المسلسل ولا وياما خربطوا مزيعين او كانوا عم يعملوا شي حركة وعاساس الكميرا ما عبتصور

موسيقى غدا نلتقي
هذه الموسيقى في أواخر السبعينات (واستمرت سنوات كثيرة) مع مشاهد النوارس على البحر هي أشد ماعلق بذهني منذ أول وعيي بالتلفزيون

لا تنسوا المسلسل البدوي اللي كان يطلع كل نهار جمعة الضهر ما بعرف ازا حدا تابع شي منو ؟!!!

كانت دائما نشرة الأخبار قديمة وبعيدة عن الواقع

نحنا خصوصا جيل 1999 يمكن كنا محظوظين اكتر من غيرنا نحنا تربينا على شجاعة الرجل الحديدي وشهامة غرنديزر وبطولة الكابتن ماجد ما مننسى اكيد حنية ساندي بل بس عنجد مو احسن من جيل هلأ

ولا دعاية سائل لفتح البلاليع اسمو سريع بتتذكروه ؟ اسمي على فعلي سريع .. ما ممكن مجهودي يضيع
ولا دعاية على جرة الغاز (انتباه وشوية حذر..لا تخلي أنينة الغاز مصدر الخطر ..)
ولا محارم ديمة ولا سائل جلي لودالين ولا شامبو شزى وعبير يلي ضلت الدعاية يعرضوها لمدة عشرين سنة

ههههههههههههه والله بالفعل كلامك م***********وط والله انا بتذكر هالشغلات بس شو بدك بالحكي والله يا صبا وحياة الي خلق البساط احسن من التعقيد وقبل كنت حس بمعنى السعادة اما هلأ انا ما بتتخيلي أدي تعبان

هههههههههههههههههههههههههههههههههههههههههههههههههههههههههههه
لا تعليق هههههههههههههههههههههههههههه lol!

هههههههههههههههههههههههههههه اي والله صح

أيا برنامج كنتي بتابعي جريحه هه

انا ازرف شي ع قلبي كانت دعايات سوريا ولهلا متزكرتون وحدة وحدة ومع اللحن كمان

» عند الكتابة كيف نتذكر هل هي ie او ei ?
» السوري واللبناني قصة مؤثرة
» اشياء لا تراها الا في الدوري السوري
» برنامج حساب المعدل..هام
» كل عام وأنتم بخير بمناسبة عيد الطالب العربي السوري