أربع بنات قتلى في جامعة دمشق

أربعة بنات قتلى في جامعة دمشق (سوريا)

--------------------------------------------------------------------------------

ما بعرف إذا حدا عنده علم بالقصة يلي صارت بالمدينة الجامعية .

رح احكيلكن عن هالحدث المأساوي يلي صار بالمدينة الجامعية بدمشق ، ويلي

تم التكتم على أحداثه من قبل وسائل الإعلام ، ليش ؟؟؟؟ الله أعلم .

تبدأ أحداث القصة ، في غرفة أحد الطلاب الشباب في المدينة الجامعية ،

وكعادته كل مساء يجتمع هو و رفاقه ، لتبدأ السهرة ،

ويعني لا أخفي عليكم ، سهرات الشباب تختلف نوعاً ما عن السهرات الاعتيادية ،

المهم و بنص السهرة والشباب عم يلعبوا شدة ،

وهاد يلي عم يدخن ، وهاد يلي عم يفصص بزر ، وهاد يلي عم يسمع المسجلة ،

وهاد يلي عم يحاكي حبيبته عالموبايل ،

وحوالي شي الساعة الثانية ليلاً ، ومن كلمة لكلمة ، بين الشباب يلي عم

يلعبوا شدة ، وهاد يلي عم يقول أنت خسران ، والثاني بيقول لأ أنت خسران ،

قام راح واحد من الشباب ، وأخذ ورق الشدة ، ورمى به على المنور تبع

البناء ، قام عصب واحد من الشباب و تخانق هو و الشب يلي رمى الورق، وعلقت

خناقة طويلة عريضة ،

شعر الحرس الجامعي ، وأمن الجامعة بوجود مشكلة وعلى الفور ، طلعوا

عالغرفة يلي عم تصير فيها الخناقة ، وطلبوا الهويات الجامعية ، وقعدوا مشان يفهموا القصة و ليش في خناقة ،

ومن سياق الحديث واحد من الشباب عم يقول للضابط: سيدي الله وكيلك بسيطة ،

الخناقة كلها كرمال لعبة شدة،

قال الضابط: وين الشدة ،

قال الشب: رميتها ع المنور

الضابط: ع المنور مو هيك ، مممممممممم هلق منشوف

بيقوم بيطلب الضابط من العناصر يلي معه أنه ينزلوا ع المنور ، و يتأكدوا من

القصة .

بينزلوا العناصر ع المنور ، وأول ما بيوصلوا عالمنور ، يقفوا مذهولين من

هول المشهد ...... مشهد تقشعر منه الأبدان

جريمة لا تغتفر . أربع بنات قتلى

أربع بنات ، يبدو أنهم قتلوا جراء السقوط من مكان عالي .....

أربع بنات

.

.

.

.

.

.

1_ بنت الكبة

2_ و بنت الديناري

3_ و بنت البستون

4_ و بنت الزهر

و بتمنى تكون عجبتكن

هههههههههههههههههههههههههههه ووووووولي نشف دمي بالأول

الله يسامحك شو شرير ههههههههه

يسلمو باشق ع الرعبة pale

هههههههههههههههههههههههه حلوة
بس جريحة والله متوقعة طولي بالك
انا ص****ة بس بشوف هيك عنوان بروح عالخاتمة بالاول
ههههههههههه مشكور باشق Laughing3

هههههههه تعيشي و تاكلي غيرا جريحة

اهلا وسهلا فيكن منورين

شكراً كتيــــــــر
بس ياريت تاني مرة تكون المزحة أخف شوي
ههههههههههههه
والله قلت شلون بدي روح عالكلية ؟؟؟؟؟ من غير شي خايفة
وبعدين القتلى الأربعة بس بنات كمان ...... Farewell

ههههههههههههههههههههههههههههههههه
ههههههههههههههه حلوة كتييير ....
بس شو أوشن بشوفك كتتييير خايفة ..والله مافي شي بيخوف ..تعودنا ..

مشكووور باشق ....

» أربع كلمات في الفجر تساوي عباده!!؟؟
» قصة بنات العلمي و الأدبي
» شاب ينتحل ش************* فتاة في منتدى احذروا يا بنات
» لماذا جامعة البعث- البوم صور-
» المنتدى الابرز في جامعة الفرات ( كلية الطب )