كرسي الأعتراف ...Moment of Truth

موضوع: رد: كرسي الأعتراف ...Moment of Truth 2011-07-02, 20:49

وإذا بدك كاسة شاي ثانية مافي مشكلة وإذا بدك نخليها كوب ههههههههههههههههه lol!

موضوع: رد: كرسي الأعتراف ...Moment of Truth 2011-07-02, 21:48

شكرا باك :
1- يكون بالي مرتاح لما أشوف أبوي و أمي رضيانين علي و مبسوطين مني -- وفي أعز أصدقائي ( عبد العزيز ) كمان لما أزورو أشعر براحة البال ..
2- نقاط القوة : الثقة بالنفس وحب المغامرة --- نقاط الضعف : أنو يقطعو الشاي أو يغلى السكر مثلا ( يجوز انجن ) .
-- بصراحة الخوف موجود بقلب كل انسان -- بالنسبة الي على طول أخاف من بكرا -- وأصدق جدا أنو بعد ما تعدي علي فترة من غير حزن معناتو في شي غلط ( يعني عطول أتوقع انو رح يصير شي ) مع اني أحب التفاؤل و أنصح فيه .....؟؟؟؟
3- أجمل صدفة : بكلية التربية -- لما شفت خضراء العيون -- وتكررت هالصدفة مرتن بالكلية عند التسجيل و تقديم الأوراق --- وهي أجمل صدفة بحياتي لأنها غيرت حياتي ....
4- استاذ الفيزياء بمدرسة الاتصالات بحلب ..
5- الذنب الذي لا يغتفر عندي هو الطعن بالظهر بما فيه الخيانة و الانتقاد الغيابي ...
6- عندما توفي عمي (رحمه الله ) ..
7- دمعة الطفل : رغم انها دليل برائته الا انها تسبب لي القلق و الحزن .
دمعة المراة : أجمل المظاهر التي تتجلى من خلالها أنوثتها -- طبعا لما تكون دموع صادقة مو دموع تماسيح ...
دمعة الرجل : محرمة ... وخصوصا أمام المرأة .
8- أنا درست بثانوية الاتصالات بحلب -- و خلصت بعام 2007 -- والتوظيف بعد هالثانوية مباشر -- وكنت مسجل التعيين لصالح وزارة النفط - وفعلا بعد ما خلصت مباشرة تعينت بالشركة السورية للغاز بالدير طبعا أعمل باختصاصي ( بقسم الاتصالات و تقانة المعلومات اللي بالشركة) ..
9- الحياة عموما جميلة .. و الانسان وحده هو الذي يخلق لنفسه أجواء السعادة و الكابة -- في هذه الأيام ما أقول غير الله يستر ...
10- لحد الأن لا ...
11- أحيانا عندما أكون منشغل بالتفكير بشخص ما غالي -- واضطر للاجابة على شؤال ما -- أشعر اني بامتحان و لا أجرؤ على قول شيئ .
12- طبعا سأحتفظ بأعز الاصدقاء ( طبعا اذا كان الشخص الثاني اللي تقصدي هو المحبوب ..) ..
13 - رسالة احترام : لكل من علمني حرفا ( جميع اساتذتي )
رسالة شكر : لرب العالمين ( لأني معكم بهالمنتدى ...)
رسالة اعتذار : لكل من جرحته بغير قصد .
رسالة شوق : لأصدقائي الغائبين و البعيدين و الذين توفوا ...

رسالة حب : لأمي الغالية -- وحبيبتي خضرار العيون
14- بصراحة ما بحب الرياضة ابدا و لا حتى اخبار الرياضة . و بكره كتير التعصب لفريق معين و المشاكل اللي تصير عالمباريات ..
15 - أكثر اية ارتاح لسماعها ( سورة الملك بالكامل - بصوت العجمي ) -- أكثر اية تخوف ( خذوه فغلوه...... )

موضوع: رد: كرسي الأعتراف ...Moment of Truth 2011-07-02, 22:24

اقتباس :: دمعة الرجل : محرمة ... وخصوصا أمام المرأة .

ليش تعتبرها محرمة ؟؟؟

موضوع: رد: كرسي الأعتراف ...Moment of Truth 2011-07-03, 00:58

وهي كم سؤال كمان محمد كنا ما بدنا نثقل عليك بس شكلها عجبوك الاسئلة
1- سؤال ما حدا سالك اياه كنت خايف انو تنسالو شو هو مع الجواب طبعا
2_ لو انقطع النت بوقت انت كتير كنت حابب تدخل عليه شو بتعمل
3_ مين افضل استاذ بنظرك بكلية الاداب
4_بتحب تعمل شوبينغ وشو اول قسم بتتجهلو لما بتنزل عالسوق
5_لو صرت عميد كلية الاداب شو اول شي بتصلحو بالكلية
6_ شي ما بتعرفو متمني انو تتعلمو
هي بتكفي هلا بنشوفلك كم سؤال بعدين flower

موضوع: رد: كرسي الأعتراف ...Moment of Truth 2011-07-03, 01:20

شو رأيك بحمدي العمر وحسين الشيخ؟

موضوع: رد: كرسي الأعتراف ...Moment of Truth 2011-07-03, 01:51

له يا شباب انا معد بقدر غيب عنكم اصلا
بس قلنا قائمة كل يوم بنتسلى يهالاسبوع
بسم الله والله اكبر
# هل بتشاركك خضراء العييون نفس المشاعر اللي بتكنلها اياها ولالأ
# شو هو الشي اللي اهلك ما ل****ك اياه انت وصغير او منعوك انو تعملو
# لو ارتبطت بننت وعرفت بعدين انها سيئة السمعة شو بتعمل طبعا انا ما بقصد خضراء العيون لانو انت ما قلتلانا مين بتكون
# كم ساعة بتدرس وسطيا باليوم
# بالعادة بتلعب مع بنات عالنت بغير اسم مثلا او ما شابه
# لكم وحدة قلت بحبك بحياتك
# فادي قال انو غن هي افضل عضو بتقديرو كمدير للمنتدى بتوافقو او بتعتبر انو ما بتستحق المرتب الاول
# بتعتقد اني عنيفة بعد ما خانقت الشباب بالفترة الاخيرة هههههههه

# كم ساعة بتقعد عالنت باليوم
# بالعادة اهلك بينتقدوك كتير ولا لأ
# عندك فوبيا من شي معين وشو هو وليش
# لو خيروك بين رضا امك ورضا خضراء العيون بترضي مين وبتزعل مين
# كيف بتدعي رفقاتك ليسجلو بالمنتدى
# بعتقد انو بتنحط احيانا ردود سخيفة عالمنتدى ومن قبل مين
# بدك انو بطل اسالك اسئلة وبتعتبراسئلتي مزعجة شي ههه
هاد كل شي ببالي اليوم بلكي بنبحبشلك عن كم سؤال بكرا
Question

موضوع: رد: كرسي الأعتراف ...Moment of Truth 2011-07-03, 02:35

هــــــــــــــــــلا بشــــــــــــــــــار
يا سيدي حمدي العمــــــــــــر يذكرني بالقذافي ( بالشكل والتصرفات و الصياح )

أما حسين الشيخ فما أعرف عنو كتير -- بس ألسنة الناس كلام الحق
وعليك الباقي

موضوع: رد: كرسي الأعتراف ...Moment of Truth 2011-07-03, 06:36

يالله شو ستغليتو عدم وجودي ع النت وسالتو كل الاسئلة ومحدا خلالي ولو نص سؤال لسؤلو

موضوع: رد: كرسي الأعتراف ...Moment of Truth 2011-07-03, 06:38

لا بتلاقي عصري مخك شوي مو معقول ما تشاركينا flower

موضوع: رد: كرسي الأعتراف ...Moment of Truth 2011-07-03, 06:49

لسه في كتييير أسئلة ما نسألو ... وكمان في معك من هون لآخر الأسبوع بس بفضل تسألي بسرعة لأنو يمكن مايظللك ولا سؤال فعلا هههههههههه

موضوع: رد: كرسي الأعتراف ...Moment of Truth 2011-07-03, 11:26

غوووووووووووووووووووووووووووون :
1 - بصراحة أنتو ما شاء الله ما خليتو شي ما سألتو عنو --- ماكان في شي معين خايف منو ....
2- شو بيطلع بايدي أعمل يعني -- اذا وقع القدر فلا اله الا الله ...
3- بصراحة الأستاذ غطفان برأيي لازم يدرس كل المواد ( لأنو عندو طريقة رهيبة بايصال المعلومة للطالب ) وأعتقد الأغلبية يوافقوني ...
4 - بصراحة ال shopping عندي موسمي أو لما أحتاج شي قطعة لباس أنزل أتسوق بالمعية .....
5- لو صرت عميد الاداب : بدي أعمل كافيتيريا كبيرة للطلاب و قاعات مطالعة واسعة - بالاضافة لنظام المايك المتعدد داخل القاعة اللي يسهل عملية الاستماع لدى الطلاب ...
6 - قيادة السيارة ...

موضوع: رد: كرسي الأعتراف ...Moment of Truth 2011-07-03, 11:49

أهلييييييييييييييييييين أنسة ســـــــــــتورم :
1 - بصراحة ما بعرف .
2- الغياب عن المدرسة.
3- انشاء الله ما يصير هالشي .
4 - الدراسة : حسب المزاج لما ما أكون رايق و مشتهي أدرس ما ادرس حتى لو كان الامتحان بكرا -- بس بشكل عام الدراسة عندي للتسلية مو الزام -- يعني لما اشتهي اتسلى اقعد ادرس .
5 - لائ بكره هالعادة .
6 - بحبك : بصراحة لحد الان ما قلت لبنت اني بحبك ... ( قال كم وحدة!!!!) ..
7 - أول شي لا شك بتقدير فادي لهالموضوع -- و بعدين ما حدا كمان يقول غير هيك ( غون عضو متميز فعلا ) ..
8- لــــــــــه يا ستورم -- الله يسامحك شو عنيفة -- منحنا كنا نمزح و ثقلناها معك و البنات كمان ما قصروا هههههههه ( انتي ما في منك ) ...
9- أحيانا 5 ساعات واحيانا 10 ساعات ومرات ما ادخل ابدا ( يعني ما في عدد محدد )
10- نادرا ما حدا يوجهلي انتقاد بالعيلة ..
11- الفوبيييييييييا : الحمد لله ما عندي فوبيا من شي --- ( بس لو كان في كانت رح تكون من العواصف ههههههه)
12- لو خيروووووووووووك : اممممممممممممم ااااااااااااااااااااااااا ( شو هالسؤال هالأخو محلوشة ...) والله ما حدا يتمنى ينحط بهالموقف الحرج بس اعتقد انو اللي بدو الاخرة لازم يفضل رضا الأم ...
13- بصراحة نكون بالصدفة نحكي عن خبر ما واذكر انو من المنتدى --- و يسألو شو هالمنتددى ( بقا اشرحلهم عنو و ادعيهم للانضمام )..
14 - لا لا لا --- ليش عم تسألو أسئلة ممممممممم --- انا ولا مرة قدرت انو الرد سخيف بالعكس الردود عم تجي حسب جودة الموضوع ..
15- له يا انسة ستورم -- لبس انا قلت اني انزعجت -- شو ما بدك اسألي يا صديقي العزيزة ....

موضوع: رد: كرسي الأعتراف ...Moment of Truth 2011-07-03, 15:43

مرحبا محمد لا تفكر نسيانتك هههههههه هاي كم سؤال اتسلى فيها شوي

بكلمة واحدة فقط ماذا يعني لك كل مما يلي :

1/الحياة؟

2/الحب؟

3/القلم؟

4/الكلمة؟

5/المنتدى ؟

6/باقة الورد؟؟

** أجمل يوم مر في حياة محمد؟؟

**يوم ذرفت فيه دمعتك؟؟

1.ماالذي يلفت انتباهك بسرعه في الشخص لكي تعجب به ؟

2.اعتذار تريد ان تقدمه لمن؟

3.حكمة تؤمن بها جدا؟؟

4.هل تؤيد الزواج العاطفي ام الزواج التقليدي ؟ ولماذا ؟

5- هل تؤمن بالصداقة بين الرجل والمرأة ؟

6- من خلال تجاربك بالحياة..نصيحه تقدمها لنا ولاصدقائك؟؟؟؟

7- شو الشي الي بدك تغيره بحياتك؟؟؟؟

8- صف لنا شخصيتك بأختصار ؟؟

9-ما اكثر شيء يرعبك ؟؟؟

10-هل هزمك حزنك في يوما من الايام؟

موضوع: رد: كرسي الأعتراف ...Moment of Truth 2011-07-03, 16:40

جريحــــــــــــــــــــــــة :
1- الحياة = الامل
2- الحب = الحياة
3- القلم = العمل
4- الكلمة = الكثير
5- المنتدى = بيتي الثالث
6- باقة الورد = التفاؤل
-- أجمل يوم : بصراحة الحمد لله الايام الحلوة بحياتي كثيرة -- بس أحلى يوم لما انقبلت بالكلية وحققت حلمي ( لما توظفت ما فرحت هيك ..!!!) ...
-- يوم ذرفت به دموع : حين توفي صديقي غرقا بعد نتائج الصف التاسع مباشرة ( الله يرحمو ) كان يوم سيئ جدا بحياتي .
1- الشب : ثقافتو
البنت : أدبها و احترامها قبل كلشي ...
2- تم الاجابة
3- الحكمة : who makes no mistakes makes nothing
4- الزواج العاطفي طبعا أجمل و أرق ( بس لازم يكون مبني عالتفاهم و الاحترام الى جانب الحب المتبادل )
اما التقليدي فمساوئه كثيرة و منها المفاجئات اللي تصير بعد الزواج بش************* الزوجين ..
5- الصداقة : والله حسب الرجل وحسب المرأة -- في ناس واعية بالمجتمع نساء و رجال هدول خرج يكون بيناتهم صداقة -- والشب و البنت كمان ممكن يكون بينهم صداقة بس ضمن حدود الاحترام و المنطق ..
6- كطلاب اختصاص : انصح كل واحد من الأصدقاء انو يتوخى الدقة و صحة المعلومة اللي يتعلمها مشان يحترم اختصاصو عالاقل -- و بعدين بكرا رح تنسأل باختصاصك و ماحدا يعذر بعدين .
أما النصيحة الثانية هي تجني العلاقات الجانبية بالجامعة الا اذا تورطت وما حدا سما عليك ....
7- بدي أغير طاولة الكمبيوتر بس ههههه-- و بالنسبة للعلاقات الاجتماعية بدي أحاول ازور اقربائي لاني بالعادة نادرا لحتى ازورهم .
8- الشخصييية باختصار :
انسان بسيط يحب كل الناس و خصوصا اصدقائه و من حوله -- كاره للظلم -- يحب دراسته وعمله لا ينوي الزواج قبل سبع سنوات هههههههه .
9- الرعب : لما أفكر انو حلمي ممكن ما يتحقق ..
10- - الحمد لله لم يهزمني الحزن يوما ..

موضوع: رد: كرسي الأعتراف ...Moment of Truth 2011-07-03, 16:53

يلا خود هي تسلا فيها محمد
1_ شو هي اكثر مجموعة اسئلة استمتعت بالاجابة عليها
2_ لما تحس انك انظلمت كيف بتتصرف
3_ انت لعبت لعبة الصراحة قبل بس كنت تقرا كل الاجوبة باهتمام
4_ قديش جمعت بالتاسع والبكلوريا وكنت تغش شي هههه
5_ عادة لما بتقعد بين جمعة بتستلم الحكي او ما بتشارك بالمرة
6_ بالساعات او بالدقايق قديش مخصص وقت للعبادة باليوم
7_ موقف شفتو بالكية وانحرجت منو
8_ لمين صوتت للاسبوع القادم لحتى يجلس عالكرسي وتصويتك كان لانو فيي ببالك اسئلة او شو
9_ انت بتعرفني بالكلية او لأ واذا اي مين قلك وكيف تاكدت انو هي غن
10_ محاضرة ما بتستمتع بحضورها وبتمل وما بتصدق ايمت تخلص
santa

موضوع: رد: كرسي الأعتراف ...Moment of Truth 2011-07-03, 17:37

فكرة حلوة ياشباب

موضوع: رد: كرسي الأعتراف ...Moment of Truth 2011-07-03, 18:49

اقتباس :: فكرة حلوة ياشباب

تمااام إذا عجبتك شاركنا فيها وحطلك كم سؤال lol!

موضوع: رد: كرسي الأعتراف ...Moment of Truth 2011-07-03, 18:57

اقتباس :: تمااام إذا عجبتك شاركنا فيها وحطلك كم سؤال lol!

وراح يقعد على كرسي الاعتراف كمان هههههههههههه

موضوع: رد: كرسي الأعتراف ...Moment of Truth 2011-07-03, 19:01

يالله جهز حالك للأسئلة :

1- آخر شخص تتذكره قبل ماتنام ؟؟
2- جريمة تتمنى لو تستطيع ارتكابها ؟؟
3- موقف صدمك ولن تنساه أبدا ؟؟
4- شخص تتمنى الانتقام منه ؟؟؟
5- كم مرة تنازلت عن مبادئك من أجل انثى ؟؟
6- هجرتك من تحبها هل تبادلها الهجر أم تتودد لها حتى تنعم بوصالها مرة أ**** ؟؟؟
7- هل خضت حربا يوما من أجل الوصول إلى قلب أنثى ؟؟؟ وهل ظفرت بقلبها ؟؟
8- ماهي الكلمة التي تربكك من الأنثى ؟؟
9- ماردة فعلك إذا قالت لك حبيبتك أحبك نعم ولكن زواج لأ؟؟
10- هل انت تفعل ماتقوله هنا في المنتدى ؟؟
11- هل كنت السبب في يوم من الأيام في تدمير حياة شخص سواء العملية أو الاجتماعية أو العاطفية ؟؟
12- هل هناك شخص تكرهه بشدة في حياتك ؟؟
13- من العضو من أعضاء المنتدى الذي نفسك تختنق منه ؟؟وبكل صراحة ؟؟
14- من العضو من أعضاء المنتدى الي تشعر انه شايف حاله ؟؟
15- من العضو من أعضاء المنتدى رأيته وتعرفه ؟؟ومن تريد أن تراه ؟؟

وحاليا هدول اتسلى فيهن بيجوز لاقيلك كم سؤال كمان Twisted Evil

موضوع: رد: كرسي الأعتراف ...Moment of Truth 2011-07-03, 19:04

ههههههههههههههههه ولي يا ستورم الله لا يوقع حدا بين ايديكي شو هاد كيف بتجيكي هيك افكار جهنمية ما بعرف Rolling Eyes

موضوع: رد: كرسي الأعتراف ...Moment of Truth 2011-07-03, 19:06

اقتباس :: ههههههههههههههههه ولي يا ستورم الله لا يوقع حدا بين ايديكي شو هاد كيف بتجيكي هيك افكار جهنمية ما بعرف Rolling Eyes

كمان راح يجي دورها بس شكلا نفذت هالاسبوع ههه غريب والله
انا صوتت لجريحة هه

موضوع: رد: كرسي الأعتراف ...Moment of Truth 2011-07-03, 19:08

اي اتبهي لحالك ها ولاحدا يحاول يغلط رح يندم

موضوع: رد: كرسي الأعتراف ...Moment of Truth 2011-07-03, 19:11

اقتباس :: Twisted Evil Twisted Evil Twisted Evil اي اتبهي لحالك ها ولاحدا يحاول يغلط رح يندم Twisted Evil Twisted Evil Twisted Evil

بشوف العالم خايفة ماحدا صوتلك ههههههههههههههههه بس أكيد هلا قلبك محروق لتعرفي مين هالشجاع الي صوتلك ههههههههههههههههههههههههه

موضوع: رد: كرسي الأعتراف ...Moment of Truth 2011-07-03, 19:24

انا والله صوتت لجريحةكمان والله مو انا يا ستورم ما دخلني flower

موضوع: رد: كرسي الأعتراف ...Moment of Truth 2011-07-03, 19:28

لأ أنا مو خايفة أنا صوتتلها .......وروحي أحمض ماعندك اطبخي